ET/VIII/103
Le 8 août 1573
Par dvt Pierre Cayard et Claude Boreau[…] furent présents en leurs personnes noble homme maistre Claude de Rueil, advocat en la cour du Parlement, seigneur des Marais au nom et comme procureur de noble homme Helye de La Faye […]d’une part et maistre Jehan Petit procureur en lad court de Parlement et Claire Contant sa femme […] en leurs noms d’autre part
Lesquelles partyes de leurs bons grez privés franches et liberalles volontez, … et de leurs certaines scincérité propres […] recongnurent et confessserent en la présence et dvt lesd notaires comme en droict jugement[…] avoir faict et font ensemble la vente bail à rente cessions et transportz qui ensuivent
C’est à scavoir led maistre Claude de Rueil, seigneur des Marais aud nom avoit baillé , quitté, ceddé, et délaissé, baille, cedde, quitte, transporte et délaisse tant par forme de rente que de bail à rente annuelle et perpétuelle, du tout dès maintenant et à tousiours, a promis et promet aud nom garantir delivrer et desfendre […] de tous troubles et empeschemens générallement quelconques ausd Petit et sa femme , ce acceptant pour eulx, leurs hoirs et ayant cause
Une maison , court et jardin et lieu comme il se poursuit et comporte de fondz en comble , assis à SGP lez Paris , rue de Seyne , aud seigneur de La Faye appartenant par acquisition par luy faicte de noble homme maistre Pierre Charles, conseiller du Roy et … en sa chambre des comptes es nom et qualitez portées par le contrat d’acquisition passé le 24e jour de janvier 1564 devant Le Camus et Lescuyer, notaires aud Chastelet
Tenant d’une part à maistre Gabriel Montaigne aussi procureur en lad cour , d’aultre aux hoirs de feu seigneur de M…. , aboutissant par dvt à lad rue de Seyne , et d’autre bout par derrière audict de Montigny et au jardin des héritiers et ayant cause de maistre Marin Duhamel ? , pretre habitué en l’église Sainct André des Arts
Èstant en la censive et couvent des religieux de l’église et couvent dud SGP et chargé envers eulx au … de 5 solz tournois de cens pour arpent et de 45 solz tournois de rente faisant portion de 100 solz de rente
et encore chargée envers les héritiers feu maistre Pierre Thiédot et sa femme de 10 livres 19 solz tournois de rente faisant partye de 83 livres tournois de rente , moictié de laquelle est racheptable pour le prix de l’ordonnance de la totallité desquelles deux rentes lad maison et aultres lieux attenans et joignans appartenants à maistre Gabriel Montaigne et Geneviève Bullioust sa femme sont chargez chacun pour le tout sans division , du suplus desquelles deux rentes de 100 solz tz d’une part et 83 livres tz d’aultre part lesd Montaigne et sa femme sont tenuz acquiter , lad maison et lieu et encore chargez 5 toises dud jardin sur le derrière acquis de Richard Carré au cens de 2 solz parisis de cens pour arpent envers les maistres recteur de l’Université de Paris et envers lesd hoirs [de] feu maistre Pierre Le Clerc l’un vivant continuateur des privilèges royaux d’icelle Université de 2 solz parisis de rente pour toise faisant portion de 24 livres de rente moderez ? par led sieur Le Clerc à 17 livres 5 solz de rente, et sans la charge du surplus d’iceulx 17 livres 5 solz Ts d’une part et 18 livres Ts aussi de rente d’aultre, dont lesd 5 toises de jardin la maison dud sieur Carré et aultres héritaiges joignant sont chargez chacun pour le tout sans division, desquelles 18 livres Ts de rente d’une part et 17 livres 5 solz Ts aussi de rente d’aultre led Petit et sa femme seront tenuz passer titre nouveau quant requis en seront, et myeuw ils nayment deguerpir lesd 5 toises de jardin … que led seigneur Le Clerc ou ses héritiers doibvent acquiter led Carré ou ceulx qui ont droit de luy d’iceluy de 8 livres Ts de rente envers lesd maistres et recteur de lad Université , et aussi aux aultres charges et conventions ausquelles led Richard Carré a ceddé à Loys Le Meignan lesd 5 toises de jardin selon qu’il est déclaré en la vendition fuest faicte et passée dvt Dupré et d’Orléans le 2e jour de novembre 1549 […], ceste vente bail à rente, cession et transport faictz tant moyennant le prix et somme de 800 livres ts que lesd Petit et sa femme en ont présentement baillé payée comptée et nombrée aud seigneur des Marais aud nom en escuz soleil pistoletz double tz ducatz et monnaye le tout bon et ayant de présent court en la présence des notaires dont et de laquelle somme de 800 livres Ts led de Rueil, seigneur des Marais s’est tenu et tient pour contant et en a quicté et quite lesd Petit et sa femme et tous aultres à qui quitancce en apartient que moiennant et parmy les prix et somme de 100 livres de rente de bail d’héritaige annuelle & perpétuelle que lesd Petit et sa femme ont promis seront tenus, promettent et gaigent pauer doresnanvant par chacun an aud sieur de La faye enceste ville de Paris aux 4 termes en l’an y accoutumez […]
Pour la sureté de payement de laquelle rente est intervenu honorable homme maistre Frs Contant procureur en lad court de Parlement, père de lad Claire Contant lequel à la requeste desd Petit et sa femme a promis, sera tenu, promet et gaige à iceulx Petit et sa femme […] payer et cont… lesd 100 livres Ts de rente ausd 4 termes tant en & sur icelle maison qui en est et demeure chargée, affectée, obligée et ypothéquée et que lesd Petit et sa femme & Contant seront tenuz et promettent maintenir en si bon estat et valleur que lad somme de 100 L de rente y puisse estre amplement prnst par chacun an à tousiours ausd termes et sur une mastairie et ferme aud Contant appartenant assise au baillage de Ballamullier […]
Faict et passé l’an 1573 le samedy 8e jour d’aoust
ET/VIII/103
Le 8 aout 1573
Par dvt Pierre cayard et Claude Boreau […] furent présents en leurs personnes Claude de Rueil advocat en la court de Parlement , seigneur des Marais au nom et comme procureur de noble homme Helye de La Faye gentilhomme de la maison de monseigneur le maréchal de Montmorency […] et honorable homme maistre Jehan Petit procureur en lad cour de Parlement et Claire Contant sa femme […] d’aultre part
Lesquelles partyes […] recongnurent et confessent en la présentes et par devant lesd notaires […] avoir faict et font ensemble la vente bail à rente , cession, transports qui ensuivent
C’est à scavoir led maistre Claude de Rueil […] aud nom a baillé, ceddé, transporté et délaissé, baille, cedde, quitte, transporte et délaisse tant par forme de vente que de bail à rente annuelle et perpétuelle […] aud sieur Petit et sa femme ce acceptant pour eulx, leurs hoirs et ayants cause
Une maison , court et jardin , lieu comme il se poursuit et comporte de fondz en comble , assise à SGP rue de Seyne aud seigneur de La Faye appartenante par acquisition par luy faite de noble homme maistre Pierre Charlet conseiller en la chambre des comptes es-nom et quallitez portées par le contrat passé le 24e jour de janvier 1564 devant Le Camus et lescuyer […° tenant d’une part à maistre Gabriel Montaigne aussi procureur en lad cour, d’aultre aux hoirs de feu seigneur de Montigny , aboutissant par devant à lad rue de Seyne et d’aultre bout par derrière audict de Montigny et au jardin des héritiers ou ayans cause de feu maistre Marin Duhuval, prestre habitué en l’église Sainct André des Arcs
Estant en la censive de l’abbaye et couvent de SGP et chargée envers eulx au cens de 3 solz tournois de cens pour arpent et de 45 solz tz de rente faisant portion de 100 solz tz de rente et encore chargée envers les héritiers de feu maistre Thiédot et sa femme de 10 livres ts de rente , moictié de laquelle est racheptable pour le po… de l’ordonnace de la totallité desquelles deux rentes lad maison et aultres lieux attenants et joignants appartenates à maistre Gabriel Montaigne et Geneviève Bullioust sa femme sont chargez chacun pour le tout sans division , du surplus desquelles deux rentes de 100 solz tz d’une part et 83 livres tz d ‘aultre led Montaigne et sa femme sont tenuz acquiter lad maison et lieu et encore chargez 5 toizes dudict jardin sur le derrière acquis de Richard Carré au cens de deux solz parisis de cens pour arpent envers les maistres recteur & université de Paris et envers les hoyrs de feu maistre Pierre La Clerc luy vivant conservateur des privilèges royaulx d’icelle université de deux solz parisis de rente pour toise faisant portion de 24 livres de rente moderez par led sieur Le Clerc à 17 livres 5 solz tz de rente ; et sans la charge de surplus d’iceulx 17 livres 5 solz tz et 18 livres tz aussi de rente d’aultre, dont lesd 5 toises de jardin la maison dud Carré et aultres héritages joignant sont chargés chacun […] desquelles 18 livres tz de rente d’unne part et 17 livres 5 solz tz aussi de rente d’aultre lesd Petit et sa femme seront tenuz passer tiltre nouveau quant requis en seront, et miuelx ils n’aiment de guerpir lesd 5 toises de jardin, … que led seigneur Le Clerc ou ses héritiers doibvent acquitter led Carré et ceulx qui ont droict de luy d’iceulx 18 livres tz de rente envers lesd maistres et recteur de lad université , et aussi aux aultres charges et conventions ausquelles led Richard Carré a ceddé à Loys Le Meignan , lesd 5 toises de jardin selon qu’il est déclairé en la vendition faicte et passée par devant Du Pré et D’Orléans le 2e jour de novembre 1549 […]. Ceste vente & bail à rente cession et transport faictz tant moyennant le prix et somme de 800 livres tz que lesd Petit et sa femme en ont présentement baillée payée et comptée aud seigneur des Marais […]
Faict et passé l’an 1573 le samedy 8e jour d’aoust
Luy mesme en sa personne il avoit led contrct passé premier et accordé et en ce faisant à icelluy seigneur de La Faye pour plus ample seureté et garantie présentement baillé et délivré aud maistre Jehan Petit à ce présent quy de luy a prins et receu tant lettres que breuvetzz en parchemin servant de tiltre et faisant mention de lad maison et lieu
La première dactée de l’an 1548 le mercredy second jour de janvier signée Dupré et d’Orleans
La seconde dactée du mardy 12e jour de mars aud an 1548 et signée desd Dupré et Dorléans
La troisiesme dactée de l’an 1546 le 12e mars signée de Presle et Dorléans
La quatriesme qui est une sentence dactée du jeudy 10e jour de juing aud an 1546 signée de Prant,
La cinquiesme dactée de l’an 1549 le samedy second jour de novembre signée Dorléans et Denetz
La sixiesme en dacte de l’an 1553 (ou 1563, le chiffre est dans la pliure ) le 24e jour de décembre signée Denetz et Dorleans
La septiesme dactée de l’an 1564 le mercredy 24e jour de janvier signée Lescuyer et Le Camus
Desquelles lettres et breuvetz ledict Petit sera tenu et promet ayer aud seigneur de La faye se poursuit et voulloit en therme de lad garantie et promectans lesd seigneur deLa Faye et Petit par la fo […]
Et fut fait et rattifiél’an 1573 jeudy 3e jour de septembrey du serment
ET/VIIII/103
Le 4 mars 1574
Honorable homme maistre Jehan Petit procureur en la cour de Parlement confesse et déclaire que au lieu de noble homme Helye de La faye , escuyer il est à présent détempteur et propriétaire d’une maison court et jardin avec estable derrière, le lieu ainsy qu’il se poursuit et comporte qui fut à feu messire René Charlet assize à SGP lez Paris rue de Seyne tenant d’une part et aboutissant en partye par derrière à maistre Gabriel Montaigne aussi procureur en ladicte court et sa femme , d’aultre part aux hoirs et aynt cause de feu Jehan de Sauvillat, seigneur de Montogny et aultres et par devant à la dicte rue de Seyne et que sur ladicte maison dessus déclairée et
Sur aultres maisons attenantes auxdictz Montaigne et sa femme, appartenantes à
Honorable femme Jehanne Deschamps, vefve de feu maistre Pierre Thédot
En son vivant aussi procureur en ladicte court et les enfans d’icelle et feu Me
Arnault Palerne aussi luy vivant procureur en ladicte court de Parlement et ni
Droict de prendre et percepvoir par chacun an aux quatre termes en l’an à Paris
Acoustumez quatre vingtz trois livres tz de rente fontière de la condition qu’ilz sont
Lesquelz quatre vingtz trois livres tournois de rente ledict Petit par luy ses hoirs
A promis sera tenu promect et gaige payer et continuer doresnavant par chacun
An à tousjours à ladicte Deschamps et sesdictz enfans leurs hoirs et ayans
Cause ou au porteur et aux quatre termes promis terme premier de payemens
Eschéans au jour de feste de pasques prochainement devant et continuer
Y en a sur ladicte maison et lieu dessus déclairé qui en est et
Demeuré chargé affecte oblige et ypothèque qu’il promet soustenir et
Maintenir tellement et tant et si longuement et en sauf audict Petit
Son recours et action contre ses codétenteurs des maisons et héritaiges susdictz
A ladicte rente promettans et obligeans et renoncans et faict et passé
L’an mil cinq cens soixante quatorze le jeudy quatriesme jour de mars
BERNARD BOREAU