ET/VIII/73

Par devant Philippe Cousin et Pierre Poutrant, notaires du Roy nostre sire, au Chastelet de Paris fut présent en sa personne Philippes de Terpigny marchant bonnetier de drap demourant à SGP lez Paris lequel de son bon gré et bonne volonté, sans contraincte aucune […] confessea et confesse avoir vendu, ceddé, quicté, transporté et délaissé et par ces présentes vend, cedde, quicte, transporte et délaisse du tout dès maintenant à tousiours à ???? sera tenu et promet garantir ???? et deffendre envers et contre tous en jugement et partout ailleurs où il appartiendra à ses propres coutz et despens de tous troubles, dons douaires, debtes ??? obligations, ypothèques, évictions, engaigement, aliénations et de tous autres empeschemens quelzconques touchant ses faictz, promesses et obligations seullement À honorable homme Jehan Charton, moulleur de bois à Paris , demourant audict lieu de SGP et Jehanne françois sa femme de luy suffisamment auctorisée en ceste parie à ce présens achepteurs et eecquéreurs pour eulx, leurs hoirs et aiant cause du temps advenir ung jeu de paulme pavé de carreau dedans lequel jeu de paulme y a gallerie couverte de thuille, rabat au bout aussy couvert de thuille, le tout cloz de murset contenant 10 toises de long et 31/2 toises de large ou environ, le lieu comme il se comporte assis audict SGP près de rivière de Seine vis à vis l’hostel de Nesle , entre la rue des buttes et la rue de Seine appartenant audict vendeur de son conquest ainsy qu’il dit et affirme tenant d’une part à honorable homme Denis Billet, marchant bonnetier de drap et BDP, d’aultre part audict vendeur, aboutissant d’un bout audict achepteurs et audict Denis Billet et d’aultre bout et à icelluy Denis Billet, en la censive de messieurs les religieulx abbé et couvent dudict SGP et chargé envers eulx au ??? de 10 solz parisis de cens pour arpent , chargé oultre de 50 solz tournois de rente de la condition dont ilz sont ??? noble homme et saige maistre Gilles Le Maistre, conseiller et advocat du Roy nostre sire en sa court de Parlement à Paris, à la charge desquelz 50 solz tournois de rente et dudict cens ledict vendeur dict et affirme avoir par cy devant promis et retenu dudict Le Maistre la place où la plus grande partie d’icelle sur laquelle ledict jeu de paulme est à présent basty, construict et édiffié et aussy à la charge et condition que si ledict vendeur voulloit vendre ledict lieu ledict Le Maistre en percoit ???? et auroit pour le pris que ung aultre en voudroit donner sans fraude