ET/VIII/61

1 mars 1542

devis d’ouvrage pour Sosson

C’est le devys d’ouvraiges de massonerye qu’il convient faire en ung hostel assis à SGP lez Paris du costé de la rivière de Seyne appartenant à maistre Michel Sosson , procureur au grand conseil du Roy, lequel hostel contiendra sur 21 pied de long sur 15 pieds de large dedans œuvre ?

Et premièrement faut faire le pan du mur du cousté du jardin de l’abbaye de SGP dont la fondation aura 10 pieds d’espoisseur jusques au RDC maçonnerie chaulx, sable, et mollon et au dessus dud RDC aura led mur 18 poulces d’espoisseur aussi de maçonnerie de chaulx, sable et moellon

Item faut faire la maçonnerie de l’aultre pan de mur de l’ espoisseur dessus et le pignon de l’un des cousté PAGE 2du RDC en amont de l’espoisseur du pignon qui est ja commancé et y ériger une jambe de pierre de taille aud pignon pour porter le bout des poultres parce que led mur n’est point d’espoisseur souffisant et en ce faisant si aulra le maçon de 8 ou 10 pierres de taille qui sont desd maconneries et recomblera les lieux où il prandra lesd pierres de maçonnerie comme dessus sans ce que telle manœuvre soit en rien comptée et rempera la voulte qui est alantour de la cave et en lieu d’icelle fera une ???? pour y faire une trappe et dessus la trappe une huissserie pour aller en la salle et item pour y aller y aura un perron de 4 ou 5 marches ainsi que la haulteur se comportera

Item fault faire une viz de maçonnerie telle que dessus de fonds en comble avec un potayer pour entrer en la cave avec ung huis pour entrer en lad cave , ung aultre pour entrer au grenier et sera lad viz garnye d’un noyau de boys avec les jours de marche et le reste maçonné de plastre et ??? , les bas d’huisseries tant au pourtour dud corps d’hostel que les aultres huisseries ??? en plastre

Item y aura dessainissement en la salle de 9 piedz et en la chambre haulte de 8 piedz et au grenier de 3 piedz par dehors et les pignons à tiers poinct

Item fault faire les chemynées le plus convenablement qui seront faictes de bricques à chaulx et sable tant jambaige , manteau que le reste

PAGE3

Item fault enduyre toute la massonnerye en dessus ??? ensemble ce qui est faict , par dedans, huisserie par dehors, le tout à chaulx et à sable

Item fault faire toutes les vindanges , rendre plan ??? et les faut mener le tout en bas que led Sosson n’en aye ??? ni dammages ………………..

Jehan Pean maistre masson promet de bonne foy à noble homme maistre Michel Sosson seigneur de Rouville, procureur au grant conseil du Roy à ce présent de luy faire et parfaire ces ouvraiges au lieu et temps que dessus est déclairé ; fournir pierre, chaulx, sable, plastre ??? et toutes aultres matières de son mestier qui sont nécessaires et ce moyennant le pris et somme de 60 solz tournois l’un pour chacun toyse ???? construis, lequel sieur de Rouville luy en promect et gaige pour ce au fur et temp qu’il fera led ouvraige sur quoy led Péan confesse avoir eu et receu d’icelluy Sosson 10 doubles ducatz quy sont les premiers desduitz et constinuera sans discontinuer jusque à ce qu’il aye parfaict led ouvraige qu’il promet faire et parfaire le jour et feste saint Jehan Baptiste prochain venant . Faict et passé double l’an 1541 le 9^e jour de may.

BOREAU BOREAU

Ensuit le boys qu’il fault pour maistre Michel Sosson , procureur au grant conseil

PAGE 4

Fault 2 pièces de 3 toyses de long et 12 à 13 poulces d’eschantillon

Fault 4 sablières de 3 toyses de long d’un pied de hault de 7 poulces d’espoisseur

Fault 4 lambourdes d’ung pied de large , de 3 poulces d’espoisseur et 3 toyses de longueur

Fault 58 solives de 12 piedz de longueur de 6 à 7 poulces de fourniture et fauldra une sablière de 4 toyses qui suira et de 2 solives

Fauldra 60 aiz de 12 piedz de long et d’un pied de large et d’un poulce d’espoisseur pour couvrir les entrevois qui ……….

Fault deux foins ? de 4 toises de long avec un ??? de 12 piedz

Item un contrant ? de 15 piedz de long, une moyctié de solivespour faire deux entreseche ?

Fault ung faiste de 3 toyses de 6 à 7 poulce de fourniture

Fault 2 moictiez de solives pour faire les soubzfaistes ; deux autres moictiez de solives pour deux armoises ?…………

PAGE 5

Jehan Lanquier maistre charpantier demourant à Paris rue de la Tablettière paroisse Saincte Opportune promect de bonne foy à noble homme Michel Sosson proc au grant conseil du Roy et seigneur de Rouville à ce présent de luy faire et parfaire les ouvraiges cy dessus dictz en fournissant par led Sosson le boys qui y sera necessaire et commencer si tost que le boys luy sera foutny jusqu’à ce que les ouvraiges soient faictz et ce moyennant la somme de 31 livres tournois que led Sosson payra au fur et temp qu’il fera lesd ouvraiges qu’il promet faire bien et d’ici la Saint Jean Baptiste prochain venant Faict l’an 1541 le mercredi premier jour de may