ET/VIII/68

9 fevrier 1540

Noble homme Valoy Pelart escuier seigneur de Montigny prez Neufville en Beausse tant en son nom que comme soy faisant fort de damoiselle Marye de Beauvays sa femme par laquelle il a promis et promet faire ratiffier ce contenu en ces présentes quant requis en sera et sa femme obligée avec luy et chacun d’eulx seul et pour le tout sans division ni discussion audict contenu dedans ung moys prochain venant et pour ce faire dès à présent ??? et auctorize par cesdictes présentes confesse avoir de nouvel vendu, constitué, assis, assigné, ceddé, quicté, transporté et délaissé et par cesdictes présentes vent, constitue, assiet, assigne, cedde, quicte, tra nsporte et délaisse du tout dès maintenant à tousiours et promect esdict nom et en chacun d’iceulx pour le tout sans division ni discussion garentir de tous troubles et empeschement générallement quelcnques à noble homme à maistre Michel Sosson seigneur de Genrilhac en la Marche et de Rouville en Beausse, procureur au Grant Conseil du Roy, nostre dict seigneur à ce faire présent acheteur et acquesteur pour luy, ses hoirs et ayans cause au temps advenir 10 L tournoy  monnoye courante  à présent de rente annuelle et perpétuelle à ces avoir, prandre, gaiger, cen ??? recevoir et parcevoir et lesquels 10L tournoy de rente ledict vendeur esdictz nom et en chacun d’iceulx pour le tout sans division ni discussion renoncant au bénéfice de division et ordre de discussion a promis , sera tenu, promect et gaige par luy, ses hoirs et ayant cause rendre paier et continuer audict acheteur, à sesdictz hoirs et ayans cause ou au porteur de ces lettres pour eulx doresnavant ,par chacun an, aux 4 termes en l’an à Paris acoustumez par esgal portion , premier terme de payement eschéant au jour et feste de Pasques prochain venant et continuer de là en avant ausdictz termes, de terme en terme et d’an en an à tousiours , tant en et sur sadicte terre et seigneurye de Montigny située et assise près Neufville en Beausse quy se consiste en maison seigneuriale, court, coullombier, granges , estables, jardins, terres labourables, vignes, garennes, moulin à vent, cens, rentes, revenuz et droictz tant sur ces fiefz, terres et seigneuryes de Lalainville et de Ennorville situées et assises près Pithiviers en Beausse quy se consistent en maisons, mestayeries, terres labourables et aultres revenuz et droitz audict seigneur de Montigny vendeur appartenant tant de son propre que de son conquest tenues et mouvants c’est à scavoir ladicte terre et seigneurye de Montigny tant du seigneur de Dampierre à cause de sa seigneurye de Jouy que du seigneur de Laaz à cause de sa seigneurye d’Escrennes et cesdictes seigneuries et mestairies de Lolainville et de Ennorville des seigneurs d’Acoux et de Chamerolles et chargées des droitz seigneuriaulx et féodaux quant ce cas y eschet et d’autres 10L tournoy de rente que ledict seigneur de Montigny a venduz et constitué audict seigneur Sosson de le 13^e jour de décembre dernier passé,pour toutes et sans aultres charges quelzconques ainsi qu’il a affermé comme générallement sur tous et chacun des aultres biens, terres et seigneuries meubles et immeubles de luy et de sadicte femme et de chacun d’eulx pour le tout sans division ni discussion comme dict est, et sans que laquelle obligation desroge à ce ??? ni ce ??? à la ???? que ledict seigneur vendeur luy en a chargez affectz , obligez zt ypothèquez pour luy fournir et faire valloir lesd. 10L tournoy de rente bien solvables et bien payables à tousiours sans aulcun deffalt, dechet ou diminution nonobstant ??? de monnoyes se détempteur et propriétés preserption ? et laps de temps discontinuation de payement ni aultre chose à ce contraire pour en foy par ledict seigneur achepteur , sesd hoirs et ayans cause et en faire comme de leur chose . Ceste vente et constitution faicte moyennant et parmy ? le prix et somme de 120L tournoy monnoye courante à présent que pour ce led vendeur en a euz et receuz et à luy baillez, payez, comptez, nombrez et del ??? par led acheteur en 43 escuz d’or au solleil bons et de poix du coing ?? du Roy nostre dict seigneur et le reste en aultres espèces d’or monnoyes de douzaines le tout bon et ayant de présent court, presents lesd notaires dont les quicte, dessaisisse les ??? les proc ?? et porteur ?????????? lesd 10L tournoys de rente racheptables à tousiours en payant et rendant par ce rachatant à une seulle foy et à ung seul payement pareille somme de 120 L tournoy en espèces avec les arrérages de lad rente sans ??? en sont deubz et escheuz au jour dud rachat termes en ?? et eschens par portion de temps à tous loyaulx constement ??? promect, oblige esdictz noms et en chacun d’iceulx pour le tout sans division ni discussion ranoncant au bénéfice de division ordre de discussion et à tous droitz ?????????????? . Ce fait et passé l’an 1540 le mercredi 9^e jour de février

BOREAU BOREAU

Noble homme Galoye Pelart escuyer seigneur de Montigny près Neufville tant en son nom que comme soy faisant fort de damoiselle Marye de Beauvais sa femme par laquelle il promect faire ratiffier le contenu en ces présentes quant requis en sera , promet et gaige de bonne foy à noble home maistre Michel Sosson seigneur de Genelhac et de rouville en Beausse, procureur au Grant Conseil du Roy nostre sire à ce présent