ET/VIII/
4 mars 1574
Reconnaissance de rente
Honorable homme maistre Jehan Petit procureur en la cour de Parlement
Confesse et déclaire que au lieu de noble homme Helye de La Faye escuier
Il est à présent détempteur et propriétaire d’une maison court et jardin
Et estable derrière, le lieu ainsy qu’il se poursuit et comporte qui fut à feu messire
René Charlot, assize à Sainct Germain des Prez lez Paris rue de Seyne tenant
D’une part et aboutissant en partye par derrière à maistre Gabriel Montaigne
Aussi procureur en ladicte court et sa femme d’aultre part et aux hoirs ou ayant
Cause de feu Jehan de Faurillat, seigneur de Montigny et aultres et par devant à
Ladicte rue de Seyne et que sur ladicte maison et lieu dessus déclairé et
Sur aultres maisons attenantes auxdictz Montaigne et sa femme, appartenantes à
Honorable femme Jehanne Deschamps, vefve de feu maistre Pierre Thédot
En son vivant aussi procureur en ladicte court et les enfans d’icelle et feu Me
Arnault Palerne aussi luy vivant procureur en ladicte court de Parlement et ni
Droict de prendre et percepvoir par chacun an aux quatre termes en l’an à Paris
Acxoustumez quatre vingtz trois livres tz de rente fontière de la condition qu’ilz sont
Lesquelz quatre vingtz trois livres tournois de rente ledict Petit par luy ses hoirs
A promis sera tenu promect et gaige payer et continuer doresnavant par chacun
An à tousjours à ladicte Deschamps et sesdictz enfans leurs hoirs et ayans
Cause ou au porteur et aux quatre termes promis terme premier de payemens
Eschéans au jour de feste de pasques prochainement devant et continuer
Y en a sur ladicte maison et lieu dessus déclairé qui en est et
Demeuré chargé affecte oblige et ypothèque qu’il promet soustenir et
Maintenir tellement et tant et si longuement et en sauf audict Petit
Son recours et action contre ses codétenteurs des maisons et héritaiges susdictz
A ladicte rente promettans et obligeans et renoncans et faict et passé
L’an mil cinq cens soixante quatorze le jeudy quatriesme jour de mars
BERNARD BOREAU