Par devant Pierre Cayard et Claude Boreau, notaires jurez du roy nostre
Sire en son Chastelet de Paris furent présens en leurs personnes
Noble homme Helye de La faye escuyer gentilhomme de la maison
De monseigneur le mareschal de Montmorency pour luy et en son
Nom d’une part et honorable homme Me Jehan Petit procureur
En la court du Parlement tant pour luy que Claire Contant
Sa femme par laquelle il fera ratisfier et avoir pour agréable
Le contenu en ces présentes toutefois et quantes que requis en
Sera et honorable homme Me François Contant aussi procureur
En ladicte court d’aultre part lesquelles parties de leurs bons grez
…. Et franches et liberalles volontés sur ce bien conseillées
advisées recongnoirent et confessent avoir faict et font ensemble lesdictz
accords qui en suivent c’est à scavoir que ledict sieur Helye de La faye
a présentement quicté et quicte ledict Petit et sa femme et Contant de la rente
de cent livres tournois qu’ilz et chacun d’eulx seul et pour le tout sans
division sont tenuz et obligez par contract faict et passé par devant
les notaires soubzsignez luy bailler cedder et transporter par forme des
et en une seulle constitution à prendre sur l’hostel de ceste ville
de Paris dedans un an dud acte et icelluy contract qui fut passé
le huictiesme jour d ‘aoust dernier passé mil cinq cens soixante
treize déclarant par ledict La Faye qu’il se contente de prendre
ladicte vente par chacun an faict sur ladicte maison en laquelle ledict
Petit et sa femme sont demourans assise à Sainct Germain des
Prez lez Paris rue de Seyne que sur tous les biens desdictz Petit et
Sa femme et dudict contract sans desroger ou
Déclairez et spéciffiez par icelluy contract dudict huitiesme
Dernier et laquelle rente de cent livres tz lesdictz Petit
Esdictz noms ont promis, seront tenus, promectent et
Renoncant aux bénéfices de division ordre de droict et de discution
Payer et continuer par chacun an audict de La Faye ses hoirs et
Ayans cause ou au porteur et en ceste ville de Paris aux quatre
Termes accoutumez tant sur ladicte maison que sur tous biens
en lez par ledict contract auquel lesdictes partyes entendent
….. …. Ny à icelluy en sorte que se sont…. Desroger par
le regard desdictz ypothèques en laquelle rente de cens livres tournois
touttefois lesdictz Partit et sadicte femme du consentement dudict
Lafaye pourront rachepter si bon leur semble à une fois
Payement seulement pour la somme de douze cens livres
Les arrerages qui en seroient lors deubz et eschuz par …
Obligeant d’une part et d’aultre et renoncant et faict
L’an mil cinq cens soixante quatorze le vendredy douziesme jour de
Mars
BERNARD BOREAU