S 6188
10 juillet 1568
Résumé
Gabriel Montaigne possède une portion de jardin de 24 toises 1/2 qu’il a acheté à Nicolas Beaujoan,maître brodeur, qui faisait partie d’un terrain plus grand que lui-même tenait de Pierre Le Clerc, l’autre partie ayant été vendue à Ambroise Amy aussi procureur au Parlement
Fut présent en sa personne honnorable homme maistre Gabriel Montaigne, procureur en la court du Parlement et fiscal de SGP lez Paris demourant audict lieu, lequel confessa estre détempteur propriétaire et possesseur d’une portion de jardin par luy acquize de Nicolas Beaujoan, maistre brodeur dudict lieu, ladicte portion contenant 24 toises 1/2 faisant portion de plus grande quantité lors appartenant audict Beaujoan assize audict SG en la censive de messieurs le recteur et les suppostz de l’Université de Paris à cause du petit Pré aux Clercs que son maistre Pierre Le Clerc tenoit à cens et rente de ladicte Université et dont il en avoit baillé une portion de 24 thoises 1/2 tenant d’une part au reste de ladicte portion dudict Beaujoan ung mur entre deux dont le reste a esté depuy vendu à maistre Ambroise Amy aussy procureur en ladictte court, icelle portion dudict Montaigne tenant d’une part et aboutissant des deulx boutz et faisant en clave (sic) dedans son grand jardin , lesdictes 24 thoises 1/2 chargées d’ung denier parisis de cens portant lotz,rentes, saisines, amendes quant le cas y eschet et encore de 2 solz tournois de rente pour chacune thoises qui font 49 solz tournois pour lesdictes 24 thoises 1/2 faisant portion de 15 livres 4 solz tournois que la totalité du jardin dudict Beaujoan doibt à ladicte Université comme ayant le droict retroceddé dudict Le Clerc, ladicte rente de la condition qu’elle est payable chacun an à ladicte Université au jour et feste Sainct Remy, chef d’octobre, et lesquels cens et rente de 49 solz tournois le dicte Montaigne a promis, sera tenu, promet et gaigé par luy, ses hoirs et ayant cause bailler et paÿer à ladicte Université ou au porteur audict jour et ??? par chacun an , première année de payement eschéant au jour sainct Remy prochain venant , et continuer , et est sur ladicte portion du jardin qui en demoura chargée, affectée, obligée et ypotecquée , et laquelle ledict recoignoissant promet, maintenir, soustenir et entretenir en tel et si bon estat que lesditz deniers parisys de cens et 49 solz tournois de rente y soient et puissent estre aysément prins et perçus doresnavant par chacun an audict terme tant et sy longuement qu’il en sera de toutems (sic) possesseur et propriétaire obligeant et renonctant ?.
Faict l’an 1568 le samedy 10e jour de juillet
Ainsy signé
N.Lecamus et Denetz
Aisy paraphé et en marge est escript : faict grosse
L’an 1624 le vendredy 27e jour de septembre après midy , par les notaires et gardenottes du Roy, nostre sire, en son Chastelet de Paris soubzsignez, collation de la présente copie a esté faicte sur sa notte et minute originale estant en l’un des régistres de deffunct maistre Guillaume Denetz avant aussy notaire gardenottes du Roy nostre dict sieur, en sondict Chastelet de Paris lui est par devers et en la possession de Gilles Lesennier, l’un des notaires et gardenottes du Roy nostre dict sieur en sondict Chastelet de Paris susditz et soubzsignez comme ayant esté subrogéaux registres et pratique dudict deffunct maistre Guillaume Denetz, notaire
Le 7 octobre 1578
Echange
Devant denetz le 7 octobre 1578 Guillaume Montaigne & sa femme Geneviève Vulrond d’une part
Et Claude de La Roc dame de Galardon veuve de Jean de Refuge d’autre part
Font un échange
À tous ceulx que ces présentes verront, salut
Scavoir faisons que pardevant Nicolas Le Canine et Guillaume Denetz notaires et gardenottes de par le Roy nostre Sire ordonnez et establiz en son Chastelet de Paris soubzsignez furent présents honnorables personnes maistre Guillaume Montaigne magister procureur en Parlement et Genviefve Vulrond sa femme de lui auctorisée en ceste partie pour […] d’une part
et dame Claude de La Roc, dame de Coisinct et Galardon , vefve en premières nopces de messire Jehan de Reffuge en son vivant chevallier , sieur et baron dudictlieu et du Fosse De ??? audict Gallardon d’aultre part
Lesquelles parties de leur bon grez et vollontez, sans auculne contraincte, [ain]sy comme elles disèrent, recongnurent, confesserent et confesse en la présente, et par devant lesdictz notaires comme en droict jugement par devant nous, avoir faict, et font ensemble, par cessions, transportz, eschanges qui ensuivent ,
scavoir ledict Montaigne et sa femme avoir baillé, quitté, ceddé, transporté et délaissé audict tiltre d’eschange but à but, sans soulte, du tout à tousjours, et promettent l’un pour l’aultre, chacun pour le tout[…] garantir de tous troubles, distour ??? et aultres empeschements quelconques à ladicte dame, elle acceptante pour elle, ses hoirs et aiant cause à l’advenir,
une maison scize à SGP lez Paris, rue de Seine , à ladicte Bouliond appartenant de son propre à cause de la succession de feu noble homme maistre Pierre Bouliond, son père en son vivant notaire et secrétaire du Roy et greffier de son Parlement de Thurin , ainsy que les lieux se comportent et [s’]extendent de toutes parts et de fondz en comble ,
clos de mur, contenant d’entrée ung petit corps d’hostel sur ladicte rue où est la grande porte d’entrée dudict logis, d’un costé de laquelle au rez-de-chaussée de ladicte rue y a deux cabinetz ou offices servant l’un pour pénétrer, et de l’aultre costé deux aultres lieux, l’un pour tenir cocher à couvert et l’aultre pour servir d’entrée, et aultres commoditez, au dessus desdictes portes et offices appliqué à chambres, garderobbe et cabinet petit, grenier dessus et serre-fruictz , le tout couvert d’ardoise, oultre le premier corps d’hostel est la grande cour d’un costé de laquelle y a ung grand puys moytoyen servant à ladicte grande maison et à celle d’auprès appartenant à présent à maistre Jacques Guesrin, huissier des Requestes du Palais ,
d’aultre costé de ladicte court est la cuisine, four et despens aux deux boutz de laquelle sont deux aultres petites courtz, l’une pour ???? les caves de ladicte cuisine avec une viz à monter servant tant au premier ??? corps d’hostel que à icelluy de ladicte cuisine , l’autre de courelle pour aller à l’escurie et estable et au poulailler et ??? d’au dessus avec une petite viz, couvert d’ardoise pour y monter, le dessus de laquelle cuisine et despens est appliqué à one chambre et garderobbe , cabinet et grenier dessus couvert de thuille, sur laquelle escurie qui ??? ledict grand corps de logis y a grenier couvert en appentilz et de thuille
Plus ung grand corps d’hostel contenant soubz le rez-de-chaussée et de la longueur et largeur d’icelluy six berceaux de caves voultées et séparez de diverses huisseries et d’une eschefle par le millieu desdictes caves avec une descente droicte pour y ???aller ?????à une viz, potager ??
Le desssus desquelz est appliqué sur le rez-de-chaussée à une salle d’yver et une aultre d’esté, cuisine et despens, un grand escallyer entre lesdictes salles avec deux perrons, l’un pour y monter de la court et l’aultre pour descendre au jardin, le second estage dudict corps d’hostel est appliqué à trois chambres à chemynées, garderobbes et à costé d’icelle une petite gallerie et pri ???, le troisiesme estaige a pareille chambres, garderobbes et pri ??? et grenier dessus séparez par huisseryes, toict couvert d’ardoise ,
Tenant tout ledict grand logis ausdictz Montaigne et sa femme à cause de leur logis des Trois pensées , d’aultre audict Guébin, aboutissant par devant sur ladicte rue de Seine, d’aultre au grand jardin desdictz Montaigne et sa femme cy après déclaré , oultre lequel grand logis y a ung grand jardin tout planté d’arbres fruictiers et de treille en trois sens et costez estant allentour garnys de charpenterie, auquel jardin y a ung aultre puis moictoyen servant audict jardin et celluy dudict Guesbin avec une table de pierre de taille garnye de ses tresteaulx de mesme pierre et ung siège aussy de mesme pierre de taille,
Tenant dune part ledict grand jardin ausdict Guesbin et aultres, d’aultre à ????; abboutissant par hault audict grand corpsd e logis et par bas à ung aultre jardin en poincte cy après déclaré
Et oultre ledict grand jardin y a ung aultre petit jardin en poincte aussy planté de treilles garny de bois de saulles et planté d’arbres fruictiers et au bout d’icelluy ung patit logis pour le jardinier couvert en appentilz et de thuille aussy cloz de murs,
tenant d’une part à la vefve Lamy et aultres, d’aultre au sieur des Just d’Alligre et aultres, abboutissant d’un bout audict jardin, d’aultre aux héritiers de monsieur Leclerc ,
le tout en la censive des relligieux abbé et couvent de Sainct germain des Prez et chargé envers eulz de six deniers de cens faisant moictié de douze deniers de cens dont le surplus est dict, à scavoir quatre deniers par ledict Guesbin à cause de ladicte maison attenant à luy Magnerer ???? vendue ou baillée , et chargé de rentes par lesdicts Montaigne et sa femme, et deux deniers tournois qui sont deubz par lesdictz Montaigne et sa femme à cause d’une aultre troisiesme maison en laquelle ils sont à présent demourant joignant celle dudict Guesbin et sans la charge d’une rente foncière envers ladicte abbaye parce que lledict Montaigne a icelle dispenser l’achepteur en vertu de l’édict du roy, plus à la charge de deux ou trois deniers parisis ou tournois de cens et quarante neuf solz tournois de rente foncière ou bail d’héritage envers les recteur et suppost de l’Université de Paris à cause de 24 thoises 1/2 de terre ferme deubs et encloses audict grand jardin pour icelluy escarrer, sans aultres charges et francz et quictus d’arrérages jusque au jour Sainct Rémy dernier et sans la charge d’aultres rentes constituées par lesdictz Montaigne et sa femme à diverses personnes , desquelles rentes ils seront tenuz descharger ou faire descharger lesditz lieux dessus eschangez dedans trois mois prochains et seront tenuz lesdictz Montaigne et sa femme faire parachever de boucher, estoupper et cloisonner à leur despens et dilligence dedans lesdictz trois moys les portes et huisseries qui restent à boucher …. Ledict logis cy dessus eschangé et celluy des Trois pensées appartenant ausdictz Montaigne et sa femme noyallière ??? ainsy que par ??? des aultres huisseries sont ja estouper et cloisonner dudict costé , ce quoy faisant les huys et pentures d’iceulx en demoureront et appartiendront ausdictz Montaigne et sa femme avec la viz où monter et les deux petites galleries l’une sur l’aultre qui sont en et sur la court dudict petit logis des Trois Pensées
Mais quant aux deux fenestres qui ont veue sur la court dudict petit logis desdictes Trois Pensées et qui donnent jour en ladicte escurie, elles demoureront de la haulteur et largeur qu’elles sont …… …et sans qu’il s’en puisse faire d’aultres que celles qui y sont de présent, quant aux bouches des … et des esgouts chacun retirera les siennes sur soy et de son costé suivant la coustume dedans deux moys prochains à leurs despens respectivement, et au regard du siège de prin ??? qui est du costé du petit logis des Trois Pensées en la seconde gallerie il y demourera comme il est de présent pour le service dudict petit logis desdictz Montaigne et sa femme sans que lesdictes partys ayent plus aulcunes servitudes ???? esgouts les uns sur les aultres .
Et pour et allencontre de ce ladicte dame a aussy baillé, quitté, ceddé, transporté et dellaissé audict tiltre d’eschange pareillement sans soulte du tout dès maintenant à tousjours promist et promet garantir de tous troubles et aultres empeschements quelconques fournir et faire valloir auxdictz Montaigne et sa femme ce acceptant pour estre et sortir pareille nature de propre à ladicte Geneviève et aux sieurs de son costé et ligne, ce que ledict Montaigne a consenty et accordé par ces présentes à condition toutesfois que sy elle prédecedde ledict Montaigne sans enfans les fruicts et arrérages de la rente en a prins déckaré appartiendront audict Montaigne sa vye durant, à scavoir 283 escus 1/3 de rente annuelle et perpétuelle prinse et faisant partie de 1388 escus 2/3 13 solz 4 deniers de rente à ladicte dame transportez par eschange passé par devant Legendre et Lusson notaires le 8e jour de septembre dernier par hault et puissant seigneur Albert de Gondy chevallier de l’ordre du Roy, mareschal de France, conte doyen baron de Retz, à prendre et faisant moictié de 2777 escuz 2/3 d’escu 66 solz 6 deniers pour la réduction de 8333 livres 6 solz 8 deniers tournois de rente annuelle et perpétuelle audict sieur mareschal appartenant par déclaration et transport à luy faict par haulte et puissante dame Jehanne de Vivonne, dame de Dampierre le premier jour de janvier 1575. ladicte rente fust vendue à ce tiltre par messieurs les prevost des marchands et eschevins de ceste ville de Paris à prendre sur la ???? du tirage du sel au paris de daulphine à la part du royaulme ainsy que plus au long le contiennent les … de ladicte constitution signée du notaire soubzscript coppie desquelles et aussy dudict eschange a baillez audict Montaigne et sa femme ausquelz elle promey aider ou faire ayde des originaulz quant besoing y auront et desquelz de leurs 83 escuz 1/3 de rente ladicte dame les faict act… r…at qui…IMG5141et subroge du tout en soy les droictz et actions veult, consent et accorde qu’ilz y soient mis et subrogez par tout où il appartiendra, pour desdictz héritages et rentes ainsy transportez et eschangez jouir par lesdictez partyes et leursdicts hoirs respectivement à tousjours ret en faire ordonner et disposer à leur plaisir et volonté à commencer du jour et feste Sainct Remy dernier … que ladicte baille … en ladicte maison sinon au jour et feste de Noel prochain auquel jour lesdictz Montaigne et sa femme seront tenu et promettent faire bailler à ladicte dame la possession vuide et vacte d’icelle maison
Ces eschangez faictz but à but sans soulte comme dict est et sans fraulde dont lesdictz parties sont tenus et tiennent pour contantes et en quictent l’une d’elle l’aultre
Et moyennant les choses susdictes lesdices parties et chacunes d’elle respectivement ont ceddé et transporté , ceddent et transportent par ces présentes, l’une d’elle à l’autre, tous et chacun, les droictz de propriété, fonds et tresfonds, saisine et possession, noms, raisons et actions & aultres qu’elles & chacune d’elles cessent pour le temps advenir avoir […] IMG5146
ET/XLIX/236
Furent présents en leurs personnes dame Anne de Refuge veufve de feu hault et puissant seigneur messire Jehan de Rochefort, luy vivant seigneur d’Armilly et ??? et homme d’arme des ordonnances du Roy sous la conduicte de monseigneur le prince de Conty, elle demourant en pays de Touraine en la paroisse de Milly propriétaire en son nom
Messire Jehan de Refuge et baron de Conesme pays de Bretaigne y demourant ordinairement
estant de présent logés en la ville de Paris scavoir ladicte dame d’Armilly rue de La harpe en la maison où pend pour enseigne La Lanterne paroisse Sainct Séverin et ledict sieur baron de Conesme en la rue de Clibrault près le rue St Martin où est pour enseigne Le Cheval Blanc paroisse St Médéric
Ledict sieur de Refuge tant en son nom que comme se portant fort en ceste présente de damoiselle Suzanne et Margueritte de Refuge ses sœurs auxquelles il promet et sera tenu en son propre et principal nom faire ratifier […] le présent contrat de vendition […] lorsque lesdictes damoiselles Suzanne et Marguerite seront venue en aage de 21 ans accomplis
Et Henry Thenin escuier sieur de Frimsoor demourant en pays d’Angleterre de present en la ville de Paris logé rue du Cocq à l’enseigne des Bons Hommes en la paroisse St Germain […] tant en son nom que comme procureur de damoiselle Ysabel de Refuge sa femme espouze et d’elle fondé de procuration passée […] en datte du 20e jour de may 1599 […] promettant de faire ratifier […] ledict présent contrat de vendition […] et en bailler less lettres en bone forme audict sieur achepteur cy après nommé devant le tribunal de l’adjudication qui sera faicte par décrest de la maison cy après mentionnée
Ladicte dame Anne de Refuge , le sieur Jehan de Refuge et sieur Thenin es dicts noms et qualitez susdictes d’une part
Et noble homme Robert Thevin , conseiller du Roy en sa court de Parlement de Paris, président des Requestes en icelle, demourant rue Pouppée paroisse Sainct Séverin en son nom d’aultre part
Lesquelles parties […] ot volontairement recongnu et confessé, recongaissent et confessent avoir faict et font par ces présentes entre eulx de bonne foy les vendition, promesse et obligation qui s’ensuivent , c’est à scavoir que led dame d’Armilly, le sieur de Refuge et le sieur de Thenin esdicts noms et qualitez susdictes ont vendu , ceddé, quitté et transporté par ces présentes du tout, dès maintenant et à tousjours audict président Thévin, ce acceptant achepteur et acquesteur pour luy, ses hoirs et aant cause
Une maison assise au faulx bourg Sainct Germain des Prez lez Paris , rue de Seine, paroisse sainct Sulpice , consistant en maisons, court et deux jardins et appenty à présent ruyné au bout du corps de logis joignant d’une part à la maison de sieur Montaigne , à la maison de Jehan de Laistre, aux maisons des héritiers de feu Loys Bibouard, aux héritiers de _______ Fresigny maistre drapier, à la maison de la damoiselle de Villars au jardin de d’Aligre et à Jerosme Lambert
À la dicte Anne de Refuge appartenant pour moitié de son propre et à elle appartenant par le decedz et succession de defuncte dame Claude de La Roc ? jadis sa mère et l’aultre moitié ausd baron de Conesme, damoiselles Ysabel, Suzanne et Marguerite de Refuge aussy de leur propre à eulx advenue par le decedz et succession de ladicte defuncte dame Claude de la Roc ? leur ayeulle paternelle
La totalité de lad maison et appartenance présentement vendue estant dans la censive de messieurs les vénérables abbés et couvent dudict SGP et chargée envers eulx de 6 deniers de cens faisant moitié de 12 deniers de cens par chacun an [..]
Cette vente est faicte moyennant le prix et somme de