S3006/2

Jehan Ganeron aumonier demourant à SGP lez Paris et Michelle Gombault sa femme de luy aucoriséz confessent aavoir vendu ceddé quicté transporté et délaissé du tout deè maintenant à tousiours et promectentchacun d’eulx pour le tout sans division garenttir de tos troubles et empeschemennt quelzconque s proceddantde leurs faictz puissance et obligation tant seulement à honorable homme maistre Pierre Foucault procureur en Parlement à ce présent acheteur et axqueseur pour luy ses hoirs et ayans cause au tems avenir une maison contenant court jardin puys dans led jardin et estables le tout comme il se comporte et extend de toute part , de fons en comble que lad maison ont dit et affirmer leur appartenir de leur conquest et lesquelz lieu ils sont à présent demourant assis et situez aud SGP lez Paris sur les fossez de la ville tenant d’une part à la vefve de feu Loys Mestayer et d’autre part au chemin qui mène de la ville au Pré aux Clercs , aboutissant par derrière à le Petit Escu de France et par le devant sur les fossez devant la porte de Bussy , le chemin sentielx qui meyne à la rivière de Seyne , le tout en la censive des religieulx abbé et couvent dud SGP et chargez envers eulx de 4 solz parisis tant pour cens que pour rente payable chacun au jour Sainct Remy et 40 solz tournois de envers la vefve et héritiers feu Vincent Cinevard racheptable pour 40 livres tournois sans autre charge ni ypothèques quelzconques pour de lieux en joyr et disposer par led Me Pierre Foucault acheteur , ses hoirs et aians cause comme de sa propre chose, vray et loyal acquest .ceste vente et cession et transport faitz aux charges des cens et rentes dessus dictes que led Foucault acheteur a promis et sera tenu payer à ceulx qui seront tenus acquiter lesd mariez vendeurs leurs hoirs et ayans cause . Et lesd mariez vendeurs seront tenus de payer tous les arrérages qui en sont ou euvent estre deubz jusques à huy et en acquicter led acheteur ses biens ses hoirs et lesd lieux venduz . Aussi à la charge que lesd mariez vendeurs et chacun d’eulx et au survivant d’eulx