ET/VIII/69

6 mai 1541

Bail de SGP à Lebrun

Par devant Jehan Boreau et Claude Boreau notaires jurez du Roy nostre sire en son Chastelet de Paris fut présent en sa personne noble religieuse personne frère Pierre Gouscon, prieur d’Estoile lequel au nom et comme vicaire procureur général de Monseigneur le évérendissime cardinal de Tournon abbé commandataire de l’église et abbaye SGP lez Paris lequel de son bon gré et volonté sans aucune contrainte recongnut et confessa par desdictes présentes confesse pour le clert et bien ict priffict et augmentation du bien, revenu de ladicte église et abbaye avoir baillé par cesdictes présentes baille à tiltre de cens, rente foncière annuelz et perpétuelz en tout, dès maintenant à tousiours et preomect aud nom garantyr de tous troubles et empeschement générallemnt quelzconques à honorable homme Nicolas Lebrun barbier et chirurgien demourant à Paros à ce faire preneur audict tiltre pour luy, ses hoirs et ayans cause au temps advenir une pièce de terre contenant 8 perches 1/2 assise au terroir dudict SGP derrière l’abbaye dudict lieu tenant d’une part à Claude de Moussy et consort , une rue entre deulx par laquelle on va au pré aux clercs d’aultre aprt à une aultre rue joignant à la porte de Me Arnault Palerne , aboutissant d’un bout par devant à la rue de Seyne et d’aultre but à plusieurs pour en joyr par ledict preneur, sesdictz hoirs et ayans cause et en faire et disposer comme de sa chose. Ceste bail et prinse faitzau pris de 10 livres parisis de rente pour arpent qui est pour lesdicyz 8 perches 1/2 17 solz parisis de rente qu’il en a promis sera tenu promect et gaige rendre et ayer à mondict seigneur le revérendissisme cardinal , à ses successeurs abbez de ladicte abbaye , à leur procureur receveur ou au porteur de ces présentes pour eulx au jour et feste Sainct Remy , chef d’octobre, premier terme de payement eschéant audict jour Sainct Remy prochain venant et continuer de là en avant à tousiours audict jour en et sur lesdictes 8 perches et demye de terre cy dessus déclairées qui en sont et demeurent chargées, affectées, obligées et ypithéquéez qu’il promect soustenir et maintenir en bon et suffisant estat lesquelles 8 perches 1/2 de terre dessus déclairées led preneur a faict core et y promect faire bastir et édiffier maison manable dedans 3 ans prochain venant et icelle pièce de terre dessus déclairéesoustenir et maintenir icelle tant et si longuement … et aussi à la charge de faire paver au long et du large de ladicte pièce de terre présentement baillée quant par la justice dudict seigneur révérendissimeet ses successeurs abbez de ladicte abbaye SGP lez Paris luy sera ordonné et aussi que ledict preneur ne pourra charger ne ypothéquer ladicte pièce de terre d’aucunes rentes ou chatges ne icelle mectre hors de ses mains sans le congé dudict seigneur révérendissime cardinal et ses successeurs et qu’ilz ne les ayent pour le pris que ung aultre en voudra donner sans fraulde car ainsi ce promecte et oblige esdict nom d’une part et d’autre renoncent. Faict et passé double l’an 1541 le vendredi 6^e jour de may .

BOREAU BOREAU