À tous ceux que les présentes lettres verront, Nicolas Versoris …. Avocat au Chastelet de Paris et garde de la prévoté de SGP lez Paris pour les religieux, abbé, et couvent dud lieu , salut, savoir faisons que par devant Maurice Moye clerc, greffier et tabellion juré en lad prevosté et fut présent en sa personne honorable homme Thomas Blanche, bonnetier lequel a confessé avoir prins et retenu et par ces présentes prend et retient à tiltre de pur et chef cens annuel et perpétuel portant lotz, vente, saisines et amendes quant le cas y echet desormais à toujours pour luy , ses hoirs et ayans cause au temps advenir de messieurs les religieux abbé et couvent de lad église et abbaye monseigneur de SGP lez Paris ung quartier de terre assis aud SGP lez Paris assis près des buttes où tirent les archers allant à la rivière de Seyne, led quartier à luy a esté baillé par mesure et alignement dont il s’est tenu pour content, tenant d’une part à Denis Dupont, d’autre part à Me Gauldier aboutissant d’un bout à la rue de seyne et d’autre bout sur les fossés de la ville, pour en joir par led maistre Guiboret ses hoirs et ayans cause et en faire, ordonner et disposer comme de sa chose à luy appartenant. Ceste prinse est faite à la charge que led preneur a promis et sera tenu y faire bastir , construire et édiffier dessus maison manable dans ung an prochain venant et y employer dedans led temps jusque à la somme de cent livres tournois pour la maison et iceulx lieux faictz les entretenir en tel et si bon estat et ???? et en oultre moiennant le pris et somme de 50 solz parisis pour led quartier qui est au pris de dix L parisis pour arpent portans loz, ventes , saisines et amende que led preneur en sera tenu , promet et gaige par luy, ses hoirs et ayans cause de rente payer et continuer doresnavant par chacun an à tousiours ausd religieulx, abbé et couvent dud SGP à cause de l’ausmosnier de lad abbaye, à ses successeurs et ayans cause à leur procureur et receveur ou au porteur de ces présentes pour eulx au jour saint Remy chef d’octobre sous peine de 5 solz parisis d’amande, premier versement commenceront au jour Sainct Remy 1531et ainsi en continuant d’an en an sans aucun deffault , déchet ou diminution et sur lesd lieux qui en sont doresnavant chargez, obligez et ypothéquez et lesquelz il promet soustenir et entretenir comme dessus

Fait et passé à SGP e 14^e jour de may l’an 1530