ET/VIII/68
Bail à Leconte
14 février 1540
Par devant Jehan Boreau et Claude Boreau notaires jurez du Roy nostre sire en son Chastelet de Paris fut présent en sa personne noble et religieuse personne frère Pierre Gouscon, prieur d’Estoile lequel au nom et comme vicaire procureur général de Monseigneur le évérendissime cardinal de Tournon abbé commandataire de l’église et abbaye SGP lez Paris lequel de son bon gré et volonté sans aucune contrainte recongnut et confessa par desdictes présentes confesse pour le clert et évident prouffict et augmentation du bien, revenu de ladicte église et abbaye avoir baillé par cesdictes présentes baille à tiltre de cens, rente foncière annuelz et perpétuelz en tout, dès maintenant à tousiours et preomect aud nom garantyr de tous troubles et empeschement générallemnt quelzconques à honorable homme Philippes Le Conte procureur en la chambre des comptes à Paris à ce faire preneur audict tiltre pour luy, ses hoirs et ayans cause au temps advenir un quartier 6 perches de terre en une pièce assise au terroir dudict SGP aau lieu dict _______ tenant d’une part à la grand rue allant à l’abbaye par dessus les fossez à la rivière de Seyne d’aultre part au pré aux clercs aboutissant d’un bout à Me Gilles le maistre et d’aultre bout à ________ pour en joyr par ledict preneur, sesdictz hoirs et ayans cause et en faire et disposer comme de sa chose. Ceste bail et prinse faitz au pris de 3 somz paririsis de cens et droictz deigneuriaux et de 10 livres parisis de rente aussi pour arpent , ladicte rnte annuelle et perpétuelle non racheptable portant lotz et vente saisines deffaukx et amendes quant le cas y eschera qui pour ledict preneur ses hoirs et ayans cause aura promis sera tenu promect et gaige rendre et payer et continuer doresnavant par chacun an et à tousiours perpétuellement à mondict seigneur le revérendissisme cardinal ,et à ses successeurs abbez de ladicte abbaye , à leur procureur et receveur ou au porteur de ces lettres pour eulx au jour et feste Sainct Remy , chef d’octobre, premiere année de payement eschéant audict jour Sainct Remy prochain venant et continuer de là en avant d’an en an audict jour à tousiours en et sur ledict quartier 6 perches de terre cy dessus déclairez qui en sont et demeurent chargées, affectées, obligées et ypothéquéez et que ledict preneur promect soustenir et maintenir en bon et suffisant estat, icelluy faire vclore dedans ung an prochainement venant et y faire bastir et édiffier maison manable dedans 3 an saussi prochain venant etet iceulx bastimens soustenir et maintenir tellement et en si bon estat et valleur que lesdictz cens et rente y soient et puissent à tousiours aisément percuz audict jour tant et si longuement qu’il en sera propriétaire et dérempteur et aussi à la charge de faire paver à ses despens du long et du large dudict quartier 6 perches de terre quant par la justice dudict seigneur révérendissime et ses successeurs abbez de ladicte abbaye SGP lez Paris luy sera ordonné et aussi que ledict preneur ne pourra charger , obliger ne ypothéquer ledict lieu de charges ne ypothèsques faire sans le gré, congé dudict seigneur révérendissime cardinal et ses successeurs et aussi à la charge que led preneur ni ses successeurs ou ses aynas cause ne pourront vendre ledict lieu ne icelluy mettre hors de leurs mains que ledict seigneur révérendissime ou sesd successeurs n’en soyent reffuzabt et qu’ilz puissent avoir pour le pris que ung aultre en voudra donner sans fraulde car ainsi et soubz cesdictes conditions et non ultrement ont esté faictes et passez ce présent bail et prinses, promectant et obligeant esdict nom d’une part et d’autre renonc0nt. Faict et passé double l’an 1540 le lundi 14e jour de febvrier
BOREAU