Adjudication à Vellefaux

26 mai 1604

Nicolas Duquesne procureur au Chastellet de paris au nom et comme procureur de Loys Fournier, juré du Roy en l’office de massonerye poursuivant en cryées vente et adiudication d’une maison, lieulx et appartenances d’icelle scize en faulxbourg Sainct Germain des Prez rue de Seine aiant issue sur les fossez, appartenant à Claude Vellefaulx et qui a depuis peu de temps faict bastir auparavant n’estoye que une place par led Vellefaulx acquise de Me Estienne Bonnet, procureur en Parlement, lequel Bonnet l’avoit acquise de Me François Baude advocat en Parlement et aultres, consistant lad maison en ung corps d’hostel couvert de thuille applicable à cave, salle basse , cabinet au coin de l’escalier, cuisine à costé, allée de passage entre lad salle et cuisine plusieurs chambres haultes et grenier au dessus, cour sur le derrière au centre de laquelle y a ung petit eddiffice applicable à une estable, petite cour derrière led corps d’hostel et ung petit cabinet, jardin derrière et lieulx au bout duquel [est] scize une cour ayant issue sur les fossez d’entre la porte de Bussy et la porte de Nesle, à costé de laquelle cour y a une gallerie et un corps d’hostel au dessus de lad porte , le tout non achevé de bastir, tenant d’une part lesd aux héritiers de feu Me Jehan Martin vivant procureur en la cour de Parlement et Nicolas Fussart marchand drappier et à la maison où pend pour enseigne Le Heaulme et le jardin de feu Marye Blanche et valentin Relmollin, aboutissant d’un bout sur lesd fossez et par devant sur lad rue de Seyne, le tout saisi à la requeste de Fournier sur led Vellefaux faulte de paiement par luy de la somme de 300L livres tournoiz, lettre obligatoire de justice passée le 12^e apvril 1603