Par devant Jehan Boreau et Claude Boreau notaires jurez du roy nostre sire en son chastellet de Paris fut présent en sa personne honorable homme Nicolas Le Bouyn barbier er cirurgien demourant à Paris lequel confessa avoir promis et retenu et par ces présentes promet et retient à tiltre de cens et rente annuelz et perpétuelz ledict cens portant lotz ventes saisines et amendes quant le cas y eschéra du tout dès maintenant à tousiours de messieurs les religieulx abbé couvent de SGP lez Paris une pièces de terre contenant 8 perches 1/2 assise au terroir de SGP derrière l’abbaye didct lieu tenant d’une part à Claude Mousssy et consort , une rue entre deulx par laquelle l’on va au pré aux clercs d’aultre part à une aultre rue joignant à l’opposite de Me Arnault Palerne aboutissant d’un bout par devant à la rivière de Seyne et d’aultre bout à plusieurs ??? par ledict preneur ses hoirs et ayans cause au temps advenir et en faore et disposer à tousiours comme de leur chaose cette présente prins et rente faicte au prix de 10L parisis pour arpent qui est pour lesd 8 perches 1/2 10 s parisis que promet led preneur par luy sesd hoirs et ayans cause en a promis sera tenu promet et gaige rendre et payer ausdictz seigneurs religieulx abbé et couvent dudict SGP lez Paris à leur procureur et receveur ou au porteur des ces loiers pour eulx au jour et feste Sainct Remy chaf d’octobre présente année de payement eschéant audict jour prochain venant et continuer de là en avant à tousiours en et sur lesd 8 perches 1/2 de terre dessus déclairées quy en sont et demeurent chargées affectées obligées et ypothéquées qu’il promet soustenir et maintenir en bon et suffisant estat […]

L’an 1541 le lundy 4^e jour d’avril avant Pasques