Y105

À tous ceulx que ces présentes lectres verront Anthoine du Prat Chevallier seigneur de Nanthoillet, Précy et Rozay, baron de Thiais et de Thoury, conseiller du Roy nostre sire , gentilhomme ordinaire de sa chambre et garde de la Prevosté de Paris Salut, scavoir faisons que par devant Anthoine Léal et Pierre Biard notaires du Roy nostre dit sieur au Chastelet de Paris fut présente en sa personne noble femme Marie Martel veuve de feu noble homme maistre Michel Sosson en son vivant procureur au Grand Conseil du Roy nostre dicte sieur et seigneur de Rouville demourant en la ville d’Orléans laquelle de son bon gré, pure , franche et libéralle vollonté sans aulcune contraincte mais de son propre mouvement comme elle recognut et confessa , recongnait et confesse en la présence et par devant les notaires comme en droit jugement par devant nous avoir donné, ceddé, quicté, transporté et délaissé et par ces présentes donne cedde et quicte transporte et délaisse en tout à toujours et par don irrévocable faict entre vifz sans espoir de jamais rappeller ni re ??? et pour fermetté et garde dud don promect garantir de tous troubles et empeschements quelconques

À noble homme René Sosson aussi procureur aud Grand Conseil demorant à Paris , Jacquette Moreau sa femme de luy auctorisée pour faire et passer le contract en ces présentes et aux enfans nez et à naistre desd Sosson et sa femme à ce présent et stippulant et ce accepteur pour eulx et leursd enfans nez et à naistre , leurs hoirs et ayans cause

La moyctié pour indivis à lad veuve donataire appartenant à cause de l’acquisition faicte par led deffunct son mary pendant leur mariage d’une maison , estable, court et jardin , lieulx et appartenances ainsi qu’elle se poursuit et comporte assis à SGP lez Paris rue de Seyne et ayant yssue en lad rue et sur les fossez de Paris entre les portes de Nesle et de Bussi, tenant d’une part la totallité de lad maison d’iceulx vers lad rue de Seyne à maistre Jehan Martin procureur en la court du parement de Paris et vers les fossez à Guillaume Le Noir filz de Philippe Le Noir libraire, d’aultre part aux héritiers de feu Denys Dupont et depuys veufve de Henry Plannoy et aboutissant d’un bout par devant sur lad rue de Seyne et d’aultre bout par derrière auxd fossez, le chemin entre deulx. En lad sensive des religieulx abbé et couvent de l’église et abbaye de SGPet chargé envers eulx la totallité d’icelle maison et iceulx de 55 solz et 10 deniers parisis de cens et rente pour toutes charges quelconques, pour de lad moyctié de maison à iceulx dessus donnée et transportée pour en joyr et posseder par led maistre René Sosson et Jacquette Moreau sa femme et leurs enfans nez et à naistre , leurs hoirs et ayans cause en loyal acquetz . Ceste don, cession et transport faitz à lad charge par moitié et à la réservation faicte par lad vefve donataire de l’usuffruict sa vie durant seullement, et ladicte moityé de maison et lieulx dessus donné déclare par elle toutesfoys la tenir et posseder à tiltre précaire, après le trespas de laquelle veuve led usuffruict sera conscédé avecque la propriété au proffict desd donataires et pour le bonne amour que ladcte vefve dict avoir et porter ausd donataires et que telz est son vouloir et plaisir ….. faisant aux charges et réservations susdictes ladicte veufve donatrice cedda quicta transporta et délaissa et par ces présentes cedde quixte transporte et délaisse ausdictz donataires tous et chacun des droictz et propriété …. Possessions saisines … et aultres qu’elle avoit et pourroit avoir prétendre et damander sur ladicte moictyé de maison et lieulx cy dessus donné […]

Faict et passé le 20^e jour de juillet l’an 1564